Tu ne quaesieris, scire nefas, quem mihi, quem tibi
finem di dederint, Leeuconoe, nec Babylonios
temptaris numeros. ut melius, quicquid erit, pati,
seu pluris hiemes seu tribuit Iuppiter ultimam,
quae nunc oppositis debilitat pumicibus mare
Tyrrhenum: sapias, vina liques, et spatio brevi
spem lognam reseces. dum loquimur, fugerit invida
aetas: carpe diem, quam minimum credula postero.
you are viewing a single comment's thread
view the rest of the comments
view the rest of the comments